Tour de France 2017: Chris Froome yitezwe kuyegukana

Chris Froome yagumanye umwenda w'umuhondo nubwo yarangije ari uwa kane mu gice cya 18 cyabaye ku wa kane i Col d'Izoard Uwufise ububasha kw’isanamu Reuters
Image caption Chris Froome yagumanye umwenda w'umuhondo nubwo yarangije ari uwa kane mu gice cya 18 cyabaye ku wa kane i Col d'Izoard

Umwongereza Chris Froome yitezwe kwegukana bwa kane isiganwa ku magare rya Tour de France ry'uyu mwaka wa 2017.

Yabigezeho ku wa gatandatu ubwo yasozaga ari ku mwanya wa gatatu mu gice cy'isiganwa kibanziriza icya nyuma cyabereye mu mujyi wa Marseille.

Bwana Froome yasoje ari inyuma ho amasegonda atandatu y'Umunyapolonye Maciej Bodnar w'imyaka 32 y'amavuko wegukanye icyo gice kireshya na kilometero 22.5.

Froome w'imyaka 32 y'amavuko ukinira ikipe ya Team Sky, yizeye kwegukana igice cya nyuma cy'isiganwa mu murwa mukuru w'Ubufaransa, Paris, kuri iki cyumweru.

Araba atwaye iri siganwa mu mwaka wa gatatu yikurikiranya.