Trump yanenzwe kubera abahezanguni b'abazungu

Abahezanguni b'abazungu bahanganye n'ababamagana mu mujyi wa Charlottesville kuwa 13 z'ukwa munani. Uwufise ububasha kw’isanamu Getty Images
Image caption Abahezanguni b'abazungu bahanganye n'ababamagana mu mujyi wa Charlottesville kuwa 13 z'ukwa munani.

Perezida Trump yanenzwe kubera kunanirwa kwamagana ku buryo bwumvikana abahezanguni b'abazungu kubera imvururu bateje mu mujyi wa Charlottesville kuwa gatandatu.

Umugabo w'imyaka 20 yashinjwe icyaha cyo kwica nyuma yaho agongesheje ku bushake imodoka ye imbaga y'abantu bari mu myigaragambyo yo kwamagana abo bahezanguni maze umuntu umwe ahasiga ubuzima.

Uyu mugabo yari mu giterane cyiswe "Unite the Right" abanyamakuru bafata nk'ikimenyetso cy'uko imitwe y'abahezanguni yabyuye umutwe nyuma y'itorwa rya Bwana Trump.

Uwufise ububasha kw’isanamu Reuters
Image caption Abahezanguni b'abazungu bumva ko baruta andi moko bakozanyijeho n'ababarwanya.

Perezida Trump yamaganye urwango n'urugomo aho bituruka hose ariko umukuru w'abasenateri b'abademokarate, Nancy Pelosi, yavuze ko aya magambo yirengagiza ukuri guteye isoni kw'abahezanguni b'abazungu biyumvamo ko baruta andi moko.

Umusenateri wo mu ishyaka ry'aba Repubulicans, Marc Rubio, yavuze ko igihugu gikeneye kumva umukuru wacyo avuga ko ibyabaye i Charlottesville ari igitero cy'iterabwoba cy'abahezanguni b'abazungu.