Bolt nta mudari yabonye kubera imvune

Usain Bolt Uwufise ububasha kw’isanamu Getty Images

Mu mikino ngororangingo mu rwego rw'isi ibera i Londres mu Bwongereza, Usain Bolt yaraye ananiwe kwegukana umudari wa zahabu mu irushanwa rikomeye rya nyuma asiganwemo.

Uyu mukinnyi wo mu gihugu cya Jamaique byabaye ngombwa ko ava mu irushanwa kubera gukomereka igihe yari atangiye kwiruka metero 100 za nyuma mu isiganwa rya metero 400 bahana agakoni.

Ubwongereza bwahise bwegukana umudari wa zahabu naho umudari w'ifeza utwarwa na Leta zunze ubumwe za Amerika.

Bolt afatwa nk'umwe mu bakinnyi bakomeye ku isi mu gusiganwa mu mikino ngororangigo.

Nubwo kuba atatwaye zahabu bitamushimishije, muri rusange Bolt amaze gutwara imidari icyenda ya zahabu mu mikino olimpique n'indi cumi n'umwe mu mikino ngororangingo yo mu rwego rw'isi.

Yesheje kandi imihigo mu kwiruka metero ijana na magana abiri.