CHAN 2018: Nigeria na Algeria ziracyafite akazi gakomeye

Repubulika iharanira demokarasi ya Kongo imaze gutwara igikombe cya CHAN inshuro ebyiri - mu mwaka wa 2009 na 2016 Uwufise ububasha kw’isanamu Getty Images
Image caption Repubulika iharanira demokarasi ya Kongo imaze gutwara igikombe cya CHAN inshuro ebyiri - mu mwaka wa 2009 na 2016

Amakipe ya Nigeria na Algeria ni amwe mu yagifite akazi gakomeye ko gutsinda imikino yayo yo kwishyura, nyuma yo gutsindwa mu mikino ibanza yo kwitabira igikombe cya CHAN kizabera muri Kenya mu mwaka wa 2018.

Benin yatsinze Nigeria 1-0 mu mukino ubanza wabereye mu murwa mukuru wa Benin, Cotonou, kuri penaliti yinjijwe na kapiteni Seibou Mama mu minota ya nyuma y'umukino.

Umukino wo kwishyura uteganyijwe ku wa gatandatu i Kano muri Nigeria.

Kuri uyu wa gatanu, Algeria irakina na Libya - umukino urabera muri Tunisia - aho iza kuba igerageza kwisubiraho nyuma yo gutungurwa na Libya mu mukino ubanza, wabereye muri Algeria warangiye Libya itsinze Algeria 2-1.

Uyu mukino wo kwishyura urabera i Sfax muri Tunisia kubera ibibazo by'umutekano mucye bikomeje muri Libya.

Irushanwa rya CHAN rihuza amakipe y'umupira w'amaguru yo ku mugabane w'Afurika agizwe n'abakinnyi bakina muri shampiyona zo kuri uyu mugabane.