Diego Costa: "Chelsea irashaka amafaranga arenze ayo yanguze"

Diego Costa ntabwo arongera gukinira Chelsea kuva yatsindwa na Arsenal ku mukino wa nyuma wa FA mu kwezi kwa gatanu Uwufise ububasha kw’isanamu Getty Images
Image caption Diego Costa ntabwo arongera gukinira Chelsea kuva yatsindwa na Arsenal ku mukino wa nyuma wa FA mu kwezi kwa gatanu

Diego Costa aravuga ko Chelsea iri gusaba Atletico Madrid amafaranga "adashobotse" kugira ngo uyu rutahizamu w'Umunyespanye ashobore gusubira mu ikipe yifuza ya Atletico Madrid yahoze akinira.

Costa w'imyaka 28 y'amavuko, akomeje kuba ari mu gihugu akomokamo cya Brazil.

Ni nyuma yaho mu kwezi kwa gatandatu umutoza wa Chelsea, Antonio Conte, amwoherereje ubutumwa bugufi amumenyesha ko atazamucyenera muri uyu mwaka w'imikino.

Chelsea yaguze Costa mu kwezi kwa karindwi kwa 2014 imukuye muri Atletico Madrid. Bivugwa ko icyo gihe yamuguze miliyoni 32 z'amapawundi.

Kuri uyu wa gatanu, umutoza Conte yasetse ayo magambo ya Costa.

Umutoza Conte yagize ati: "Kuri jye, ibyo ni impitagihe".

Yongeyeho ko "buri wese muri Chelsea azi uko byagendecyeye Diego mu mwaka ushize w'imikino".

Umuvugizi wa Chelsea yunzemo ati: "Nk'umukinnyi wa Chelsea twavuze ko yagombye kugaruka muri Chelsea kandi ni aho duhagaze".