Mo Farah yatsinze isiganwa rya nyuma yirukiye mu Bwongereza

Farah yatsindiye imidali ine ya zahabu mu marushanwa ya Olympike Uwufise ububasha kw’isanamu Getty Images
Image caption Farah yatsindiye imidali ine ya zahabu mu marushanwa ya Olympike

Umwongereza Mo Farah yatsinze mu kwiruka metero 3000 mu irushanwa rya Diamond League mu mujyi wa Birmingham, rikaba ribaye isiganwa rye rya nyuma mu yabera ku kibuga yirukiye ku butaka bw'Ubwongereza.

Yakoresheje igihe cy'iminota 7, amasegonda 38 n'ibice 64.

Yagize ati: "Kuva ndi umwana namye mfite inzozi zo gusiganwa mpagarariye Ubwongereza".

Mu mwaka utaha wa 2018, Farah w'imyaka 34 y'amavuko azatangira kwiruka mu buryo bw'intera ndende mu muhanda.

Farah yatsindiye imidali ine ya zahabu mu marushanwa ya Olympike.

Mu ntangiriro y'uku kwezi, yatsindiye umudali wa gatandatu wa zahabu mu marushanwa ya shampiyona z'isi yaberaga mu mujyi wa London.

Mu mateka y'Ubwongereza, Farah ni we ufite agahigo ko gutsindira imidali myinshi ya zahabu ku rwego rw'isi mu masiganwa abera mu kibuga.