CHAN 2018: Guinea Conakry yakatishije tike ya nyuma yari isigaye

Ikipe ya Repubulika iharanira demokarasi ya Kongo ifite igikombe giheruka ntizaba iri muri Kenya umwaka utaha kuko yamaze gusezererwa mu mikino y'amajonjora uyu mwaka Uwufise ububasha kw’isanamu Getty Images
Image caption Ikipe ya Repubulika iharanira demokarasi ya Kongo ifite igikombe giheruka ntizaba iri muri Kenya umwaka utaha kuko yamaze gusezererwa mu mikino y'amajonjora uyu mwaka

Kuri uyu wa gatatu, Guinea Conakry yanyagiye Senegal ibitego 5-0 ihita ikatisha tike yo kwitabira imikino y'irushanwa rya CHAN izabera muri Kenya umwaka utaha wa 2018.

Umukinnyi Amadou Sekou Camara ni we wigaragaje cyane atsinda ibitego 3 wenyine muri uwo mukino wabereye mu murwa mukuru Conakry.

Guinea Conakry yabonye iyo ntsinzi nubwo bwose yari yahushije penaliti, muri uwo mukino wacyererejwe amasaha 24 kubera imvura.

Mu mikino yombi, Guinea Conakry yatsinze Senegal ku giteranyo cy'ibitego 6-3.

Guinea Conakry ihise isanga andi makipe y'ibihugu 14 - hamwe n'igihugu cya Kenya kizakira iyo mikino - yamaze gukatisha tike yo kwitabira imikino ya CHAN 2018.

Irushanwa rya CHAN rihuza amakipe agizwe n'abakinnyi bakinira gusa muri shampiyona zo ku mugabane w'Afurika.