Barcelona yemeye kugura rutahizamu Ousmane Dembele

Dembele yatsinze ibitego 10 mu mikino yakiniye Dortmund umwaka ushize Uwufise ububasha kw’isanamu Getty Images
Image caption Dembele yatsinze ibitego 10 mu mikino yakiniye Dortmund umwaka ushize

Barcelona yemeye kugura rutahizamu Ousmane Dembele w'ikipe ya Borussia Dortmund ku giciro gishobora kugera kuri miliyoni 147 z'ama Euro, bigatuma aba umukinnyi wa kabiri w'umupira w'amaguru uhenze cyane ku isi.

Ku ikubitiro, Barcelona izariha miliyoni 105 z'ama Euro.

Dembele, Umufaransa w'imyaka 20 y'amavuko, yemeye gukinira Barcelona mu gihe cy'imyaka 5.

Ku wa mbere azakorerwa ikizamini cy'uko ubuzima bwe buhagaze.

Abaye umukinnyi wa kabiri ku isi uguzwe amafaranga menshi cyane, akaba arushwa gusa na Neymar uherutse kugurwa miliyoni 200 z'amapawundi ubwo yavaga muri Barcelona yerekeza mu ikipe ya Paris St-Germain.