Bournemouth 1-2 Manchester City

Igitego cya Raheem Sterling cyateye ibyishimo bidasanzwe Uwufise ububasha kw’isanamu Getty Images
Image caption Igitego cya Raheem Sterling cyateye ibyishimo bidasanzwe

Raheem Sterling yatsinze ku munota wa 97 ahita ahabwa ikarita itukura ariko Manchester City itsinda Bournemouth muri Premier League.

Ishoti ya Sterling yavuyemo igitego cy'intsinzi ya Manchester City yanyuze ku mukinnyi wa Bournemouth, ariko Sterling yagiye kukishimira cyane mu bafana bimuviramo guhabwa ikarita y'umuhondo.

Kubera ko yair yahawe indi karita y'umuhondo kare mu mukino, yahise yirukanwa mu kibuga n'umusifuzi Mike Dean.

Ikipe ya Bournemouth yari yashoboye kwihagararaho inahangara City ifungura amazamu ku munota wa 13 w'igice cya mbere igihe Charlie Daniels yateraga ishoti ikaze mu mfuruka y'umutambiko w'izamu.

Ariko City yaje kunganya nyuma y'iminota umunani ku gitego cya Gabriel Jesus ku mupira mwiza yari ahawe na David Silva.

Uwufise ububasha kw’isanamu Opta
Image caption Dore ishusho y'igitego Daniels yatsinze n'aho yagitsindiye. Aho kuri 11 ni ho yari ahagaze.

Iki gitego cyanahaye City imbaraga zatumye yiharira umukino mu minota yakurikiye.

Igice kiza kurangira ari 1-1.

Amakipe yombi yabonye amahirwe yo gutsinda ariko ntibyashoboka.

Joshua King wa Bournemouth na Nicholas Otamendi wa City bakubita umutambiko w'izamu.

King yaje no kubona andi mahirwe ariko umupira awohereza mu ntoki z'umunyezamu wa City Ederson.

Igitego cya Sterling mu minota y'inyongera cyanatumye City ijya ku isonga ry'urutonde rw'agateganyo iri kumwe na Huddersfield, cyatsinzwe mu buryo butari bwitezwe.

Abahoze ari abakinnyi benshi banenze icyemezo cya Mike Dean cyo guha Sterling ikakrita kubera kwishimana cyane n'abafana, bavuga ko umukinnyi akwiye kwishima iyo atsinze ku munota wa nyuma mu mukino wuzuye ishyaka.

Ariko abandi bakavuga ko umusifuzi yakurikije uko amategeko yanditse mu bitabo bigenga umukino.

Umukinnyi witwaye neza kurusha abandi - David Silva

Uwufise ububasha kw’isanamu Reuters
Image caption Ipasi ya David Silva ni yo yavuyemo igitego cya City cyo kwishyura mu gice cya mbere

Hakurikiye iki?

Nyuma y'ikiruhuko cy'imikino mpuzamahanga, Manchester City izakira Liverpool ku itariki ya, 9/9 mu gihe Bournemouth izajya i London gusura Arsenal.