Floyd Mayweather yahagaritse Conor McGregor mu kiciro cya 10 cy'umukino i Las Vegas

Mayweather Uwufise ububasha kw’isanamu Getty Images
Image caption Floyd Mayweather extended his professional record to 50-0

Floyd Mayweather yakomeje umuhigo wo kumara imikino 50 adatsinzwe na rimwe mu iteramakofi nyuma yo gutsinda Conor McGregor muri umwe mu mikino ihenze ku isi.

Mayweather ufite imidari itanu y'isi yabanje guhatwa amakofi na Mcgregor usanzwe ukina imikino njyarugamba ivanze bita UFC, wari ukinnye umukino wa mbere mu iteramakofi wabereye i Las Vegas muri sitade ya T-Mobile Arena.

Mcgregor yabanje kwihagararaho yerekana ubushobozi mu kiciro cya mbere ariko yahatswe kurenga amategeko y'umukino inshuro nyinshi akoresha ingumi zitemewe mu mukino w'iteramakofi no gukubita umuntu inyuma y'umutwe.

Uwufise ububasha kw’isanamu Getty Images
Image caption Jennifer Lopez n'umwahozea kina umukino wa baseball Alex Rodriguez bari mu byamamare byitabiriye uyu mukino

Yagaragaje ubushobozi ariko butari gushobora kurangiza cyangwa kwesura hasi Mayweather, ibyo bita "knock out".

Mayweather w'Umunyamerika, yaje mu mukino avuye mu zabukuru ku mukini warimo akayabo ka miliyoni 300 z'amadolari, yakoresheje inararibonye aganza McGregor mu cyiciro cya nyuma kubera kunanirwa.

Uyu munya Ireland yari yatangiye kunanirwa amaguru bigaragara cyane kubera guhatwa ingumi. Mayweather w'imyaka 40 atangira kumutangatanga akomeza kumwotsa igitutu n'ingumi.

Mu cyiciro cya 10 ari nacyo cya nyuma, McGregor wari waravuze amagambo menshi mbere y'umukino yatangiye kwisunga imigozi aho kurwanya Mayweather.

Uwufise ububasha kw’isanamu AFP
Image caption Umusifuzi Robert Byrd yahagaritse umukino nyuma y'umunota umwe n'amasegonda atanu y'icyiciro cya 10

Ibye byari byarangiye- n'ubwo Mayweather atamwesuye hasi (KO) ariko nta mbaraga yari agisigaranye zo kurwana.

Umusifuzi Robert Byrd yahise arangiza umukino.