Ousmane Dembele: Barcelona yamaze kugura rutahizamu wa Dortmund

Ousmane Dembele yerekanywe ku kibuga Nou Camp cya Barcelona kuri uyu wa mbere Uwufise ububasha kw’isanamu Getty Images
Image caption Ousmane Dembele yerekanywe ku kibuga Nou Camp cya Barcelona kuri uyu wa mbere

Barcelona yamaze gusinyisha rutahizamu Ousmane Dembele imukuye mu ikipe ya Borussia Dortmund, ku giciro cy'ibanze cy'amapawundi arenga miliyoni 96, gishobora no kwiyongera kikagera kuri miliyoni zirenga 135.

Kuri uyu wa mbere, nibwo Dembele, Umufaransa w'imyaka 20 y'amavuko, yasinye kontaro y'imyaka 5, ari ku kibuga Nou Camp cya Barcelona, aho yari kumwe na Perezida w'iyi kipe, Josep Maria Bartomeu.

Dembele abaye umukinnyi wa kabiri uhenze cyane w'ibihe byose mu mupira w'amaguru. Ararushwa guhenda gusa na Neymar uherutse kugurwa miliyoni 200 z'amapawundi ava muri Barcelona yerekeza muri Paris St-Germain.

Dembele yagize ati: "Ndishimye cyane kuba ndi hano. Zamye ari zo ndoto zanjye gukinira Barcelona none ubu nabigezeho kandi ndishimye cyane".