Zidane ntahakana ko ashobora gutoza Juventus

Zinedine Zidane arashaka gutwara Champions League ku nshuro ya gatatu yikurikiranya Uwufise ububasha kw’isanamu Rex Features
Image caption Zinedine Zidane arashaka gutwara Champions League ku nshuro ya gatatu yikurikiranya

Umutoza wa Real Madrid, Zinedine Zidane, yanze guhakana amakuru ko ashobora gutoza Juventus mu bihe biri imbere.

Ibi ni mu gihe amakipe yombi yitegura guhangana ku wa kabiri mu irushanwa ry'amakipe yabaye aya mbere iwayo ku mugabane w'Uburayi, Champions League.

Zidane yatwaye ibikombe bibiri bya shampiyona y'Ubutaliyani izwi ku izina rya Seria A igihe yari umukinnyi wa Juve hagati ya 1996-2001.

Ejo hazaza h'uyu mutoza w'Umufaransa ntihasobanutse neza kabone n'ubwo yashyize umukono ku masezerano mashya mu kwezi kwa Cyenda.

Mbere y'umukino ubera i Turin yagize ati:

"Kuba umutoza wa Juventus umunsi umwe? Ntuzavuga oya burundi, ariko nishimiye aho ndi."

Uyu uraba ari umukino umeze nk'usubiwemo kuko Real yahuye na Juve mu mwaka ushize ku mukino wa nyuma aho Real yatsinze 4-1 mu mujyi wa Cardiff.

Real itsinze yaba itwaye ibikombe bitatu byikurikiranya bya Champions League. Nta yindi kipe yabikoze mu mateka.

N'ubwo bimeze gutyo ariko, muri shampiyona, Real Madrid ntiyitwaye neza. Bari inyuma ya Barcelona ku manota 13 ndetse basezerewe na Leganes mu gikombe cy'umwami Copa del Rey.

Zidane yongeyeho ati:

"Ntabwo turi butekereze ku byabaye mu mezi 10, ikiri imbere ni ibiri bube."

'Real ihabwa amahirwe'

Juventus ntiyigeze itsindwa na Real i Turin kuva mu mwaka wa 1962 kandi iyi kipe ni nayo iheruka gutsinda Real muri Champions League muri 2015.

Umutoza Massimiliano Allegri yasabye abakinnyi be gusubiramo imikinire yabo mu minota 45 ya mbere bakinnye mu mwaka ushize ku mukino wa nyuma igihe bagomboraga igitego bari batsinzwe mbere yo gutsindwa ibindi bitatu mu gice cya kabiri.

Yagize ati:

"Dukeneye gukina nk'uko twabigenje mu gice cya mbere i Cardiff, ariko tugakomera kuri urwo rwego kugeza imikino irangiye [ibiri].

"Turakina n'ikipe ihabwa amahirwe muri Champions League. Kubasezerera byaba ari igikorwa gikomeye."

Uwufise ububasha kw’isanamu Rex Features
Image caption Juventus yatwaye Serie A inshuro 12 kuva batwara Champions League mu 1996

Uko amakipe yifashe

Juventus irakina idafte myugariro wayo, umunya Maroke Medhi Benatia na Miralem Pjanic ukina hagati. Bombi bahawe amakarita yatumye bahagarukwa.

Rutahizamu wa Real Crstiano Ronaldo byitezwe ko agaruka nyuma yo kuba umwe mu bakinnyi bahawe akaruhuko mu mukino batsinzemo Las Palmas 3-0 muri shampiyona ku wa Gatandatu.

Kapiteni wa Real Sergio Ramos na Isco nabo bagarutse mu myitonzo nyuma yo kudakina mu mpera z'icyumweru.

Cyakora, myugariro Nacho afite imvune mu itako ry'iburyo n'ubwo uyu munya Espanyoli yajyanye n'ikipe mu Butaliyani.