Umunsi wa cyenda w'imikino ya Commonwealth mu Buhindi

Kenya ikomeje kubona imidari i New Delhi
Image caption Kenya ikomeje kubona imidari i New Delhi

Muri metero 1500 umunya Kenya Silas Kiplagat yegukanye umudali wa zahabu akoresheje iminota 3.41.78 akurikirwa na mugenziwe Magut James Kiplangat we wakoresheje iminota 3.42 nibice 27.

Naho Wills Nick wa New Zealand yegukana umudali wa feza.

Nyuma yaho gato Kenya yongeye kwegukana imidali 3 yose mugusiganwa metero ibihumbi 5000.

Viavian Cheruyot niwe waje imbere akoresheje iminota 14 akurikirwa na mugenzi we Chenonge Ines naho Kibet Sylivia Jebiwot aza kumwanya wa gatatu.

Muri izo metero 5000 u Rwanda rwari ruhagarariwe na Murekatete Jacqueline washoboye kurangiza kumwanya wa nyuma.

Muri metero 100 bahererekanya agati Ubwongereza nibwo bwegukanye umwanya wa mbere mu bagabo no mu bagore.

Hagati aho kandi undi mukinnyi wo mugihu cya Nigeria yatahuweho gukoresha imiti yongera ingufu mu mubiri.

Uyu ni umusore w’imyaka 24, Samuel Okon wari wabaye uwa 6 mu gusiganwa metero 110 basimbuka inzitiro.

Perezida w’ishyirahamwe ry’imikino ya Commonwealth Mike Fenell yabwiye abanyamakuru ko ibipimo bya mbere byakorewe uyu mukinnyi byagaragaje ko yakoresheje imiti yongera ingufu iherutse

gushyirwa ku rutonde rw’imiti itemewe gukoreshwa n’abakinnyi.

Samuel Okon akurikiye mugenziwe umunya Nigeria kazi Damola Osayemi nawe ugikurikiranyweho kuba yarakoresheje iyo miti; akaba yari yatsindiye umudali wa zahabu mu kwiruka metero 100.