Ikipe ya Misiri n'iya 10 ku isi

FIFA
Image caption Ikipe ya Misiri iri ku mwanya wa 10 ku rutonde rwa FIFA

Abakunzi b'ikipe y'umupira w'amaguru y'igihugu cya Misiri ubu bashobora kwishima kubera ko ikipe yabo yongeye kugaruka mu makipe 10 ya mbere akomeye ku isi ku rutonde rushya rw'ishyirahamwe ry'umupira w'amaguru ku isi FIFA.

Ikipe ya Misiri ubu niyo ifite igikombe cy'Afurika cy'umupira w'amaguru nubwo ubungubu irimo kugira ingorane mu mikino y'ijonjora y'igikombe cy'Afurika kizakinirwa mu mwaka 2012. Mu minsi ishize Misiri ikaba yaratsinzwe n'ikipe ya Niger.

Muri Afurika, ikipe ya Misiri iri ku mwanya wa mbere inyuma yayo hakaza ikipe ya Ghana naho Cote d'ivoire ikaza ku mwanya wa gatatu.

Ku rutonde rwa FIFA ikipe ya mbere ku isi n'iya Espagne ubu ifite igikombe cy'isi igakurikirwa n'Ubuholandi hanyuma Bresil ikaza ku mwanya wa gatatu. Naho ikipe ya Misiri iri ku mwanya wa 10.

Ku nshuro ya mbere guhera muri 2006, Afurika yepfo iri mu makipe 50 ya mbere akomeye ku isi.