Barcelone yegukanye igikombe cya 21 cya champiyona

Umutoza wa Barcelona Josep Guardiola Uwufise ububasha kw’isanamu Getty
Image caption Umutoza wa Barcelona Josep Guardiola

Muri Espagne ikipe ya FC Barcelone yaraye yegukanye igikombe cya 21 cya championat nyuma yo kunganya na Levante 1-1.

Mu gihe hagisigaye imikino 3 ngo championa irangire Barca yari ikeneye inota rimwe gusa ngo yizere kuba itanyurwaho na Madrid iza ku mwanya wa kabiri.

Ku mwanya wa mbere Barcelona ifite amanota 92 mu gihe hasigaye imikino 2 .

Uko bigaragara Real ya kabiri ntishobora kubona iki gikombe uko byagenda kose kuko nubwo Barca yatsindwa imikino ibiri isigaye, Real yo igacyura amanota yose harebwa imikino yahuje impande zombi kandi Barca ni yo yayitwayemo neza .

Ku mukino ubanza Barca yatsinze Real 5-0 na ho ku mukino wo kwishyura amakipe yombi anganya 1-1.

Mu gihe imaze gushyira icya championat ku ruhande, Barcelona igiye kwerekeza ingufu zose ku mugabane w'Uburayi aho igomba guhura ku mukino wa nyuma na Manchester United kuri Stade ya Wembley ku itariki ya 28 z'uku.

Manchester United nayo ikeneye inota rimwe gusa mu mikino 2 isigaye kugira ngo yizere kwegukana igikombe cya championat ku nshuro ya 19. Ibishoboye yaba ari n'umuhigo yeshweje w'U Bwongereza kuko indi byegeranye ari Liverpool yo kimwe na Manchester imaze kucyegukana inshuro 18.