Arsenal yaguze abakinnyi bashya

Per Mertesacker
Image caption Per Mertesacker, umwe mu bakinnyi bashya ba Arsenal

Ikipe ya Arsenal yaraye iguze ku munota wa nyuma umukinnyi wo hagati wa Everton Mikel Arteta.

Uyu mukinnyi ufite imyaka 29 waguzwe miliyoni 10 z'amapawundi yasinye amasezerano y'imyaka 4 muri Arsenal. Umukinnyi wo hagati wa Chelsea Yossi Benayoun yatijwe ikipe ya Arsenal.

Kuri abo bakinnyi kandi hiyongeraho abakinnyi babiri b'inyuma Arsenal yaguze aribo: Per Mertesacker and Andre Santos Put.

Kugura aba bakinnyi bashya bizacubya uburakari bw'abakunzi b'ikipe ya Arsenal bagize nyuma yo gutangira nabi shampiyona no gutsindwa ibitego 8 kuri 2 na Manchester United ku cyumweru gishize.

Abandi bakinnyi bakomeye baguzwe n'andi makipe yo mu Bwongereza harimo Raul Mereilles wavuye muri Liverpool ajya muri Chelsea, Peter Crouch yavuye muri Tottenham ajya muri Stoke naho Bryan Ruiz ava mu ikipe ya FC Twente yinjira mu ikipe ya Fulham.