Jerome Valcke muri Bresil

Umunyamabanga mukuru wa FIFA, Jerome Valcke Uwufise ububasha kw’isanamu Getty
Image caption Umunyamabanga mukuru wa FIFA, Jerome Valcke

Umunyamabanga mukuru w'ishyirahamwe ry'umupira w'amaguru ku isi- FIFA - Jerome Valcke, ari mu ruzinduko muri Bresil aho agomba kubonana n'abategura irushanwa ry'igikombe cy'isi cy'umupira w'amaguru kizabera muri icyo gihugu muri 2014.

Bimwe mu bigomba kwigwa harimo kureba niba inzoga zizemererwa kugurishwa ku bibuga.

Ku wa gatatu, Jerome Valcke yabwiye abanyamakuru ko FIFA izasaba ishimitse ko inzoga ziboneka ku bibuga nubwo byasaba ko amategeko ahindurwa.

Inzoga ntizemewe kugurishwa ku bibuga by'umupira muri Bresil guhera muri 2003 muri gahunda yo kugabanya urugomo ku bibuga.

Imwe mu masosiyete ashyigikiye irushanwa ry'igikombe cy'isi cy'umupira w'amaguru ni isosiyete ikora inzoga yo muri Amerika, Budweiser.