Van Persie arashakwa n'amakipe akomeye

Robin Van Persie Uwufise ububasha kw’isanamu AP
Image caption Robin Van Persie

Ikipe ya Arsenal yanze amafaranga ikipe ya Manchester United yashakaga gutanga ku mukinnyi Van Persie.

Ayo Manchester City na Juventus ashaka kumutangaho nayo ntabwo yegereye cyane ayo Arsenal ishaka.

Biravugwa ko ikipe ya Arsenal idashaka kugira indi kipe baganira ku kibazo cya Van Persie mu gihe cyose ayo makipe atiteguye kumutangaho amafaranga arenze miliyoni 20 z'amapawundi - amafaranga akoreshwa mu Bwongereza.

Arsenal ngo yizeye kuzamugurisha amafaranga ari hagati ya miliyoni 25 na 20 z'amapawundi.

Robin Van Persie amasezerano yasinyanye n'ikipe ya Arsenal azarangira umwaka utaha kandi yavuze ko nta yandi azongera gusinyana n'iyo kipe.