Igikombe cy'Uburayi: Arsenal izakina na Fenerbahce

Abafana b'ikipe ya Fenerbahce
Image caption Abafana b'ikipe ya Fenerbahce

Ikipe ya Arsenal yo mu Bwongereza izakina n'ikipe ya Fenerbahce yo muri Turikiya mu mikino yo guhitamo ikipe izakina mu makipe 32 agomba guhatanira imikino yo mu matsinda mu gikombe cy'Uburayi (Champions League).

Mu kwezi kwa gatandatu gushize ikipe ya Fenerbahce yahawe igihano cyo kumara imyaka ibiri itemerewe gukina mu marushanwa ahuza amakipe yo ku mugabane w'Uburayi kubera ibirego yaregwaga byo guteganya uko imikino igomba kurangira itaraba.

Icyo gihano ariko nticyari cyatangira gushyirwa mu bikorwa mu gihe ubujurire bw'iyi kipe butari bwumva.

Biteganijwe ko Arsenal na Fenerbahce bizahura mu mukino wa mbere ku itariki ya 20 cyangwa se ya 21 za kuno kwezi kwa munani; hanyuma umukino wo kwishyura ukaba mu cyumweru gikurikiraho.