Mesut Ozil muri Arsenal

Mesul Ozil (yambaye umweru)
Image caption Mesul Ozil (yambaye umweru)

Ibaye inshuro ya mbere mu mateka yayo, ikipe ya Arsenal iguze umukinnyi amafaranga agera kuri miliyoni 42 z'amapawundi.

Uyu rero ni Mesul Ozil wakiniraga ikipe ya Real Madrid, Arsenal yaguze miliyoni 42 n'ibihumbi 400 by'amafaranga y'amapawundi akoreshwa mu Bwongereza.

Mesul Ozil, w'imyaka 24, ni umukinnyi wo hagati ukomoka mu gihugu cy'Ubudage.

Umutoza w'ikipe y'igihugu y'Ubudage Joachim Low yatangaje ko atumva impamvu ikipe ya Real Madrid yafashe icyemezo cyo kugurisha umwe mu bakinnyi bari bayifitiye runini nka Mesul Ozil.

Low yongeyeho ariko ko imikinire y'ikipe ya Arsenal n'imitoreze ya Arsene Wenger bizatuma uyu mukinnyi mushya arushaho gukina neza.