Puma yahagaritse gukorana na Bafana Bafana

  • 18 Ukw’icumi 2013
Bafana Bafana
Image caption Bafana Bafana, ikepe y'Afrika yepfo

Puma yahagaritse gukorana n’urwego rw'ubuyobozi mu ishyirahamwe ry'umupira w'amaguru muri Afrika yepfo (Safa) nyuma y'amahano yo gutanga ruswa yerekeye ikipe y’igihugu.

Ibi bibaye iminsi ibiri nyuma yaho umurwi wa ma banki witwa Absa wahagaritse gukorana n’iyo kipe bita Bafana Bafana.

Mu kwezi kwa cumi na kabiri k'umwaka ushize, iperereza rya FIFA ryerekanye ko hari ‘ibimenyetso simusiga’ byerekana ko imikino ine y’ubucuti y’Afrika yepfo mbere yo gutegura igikombe cy’isi muri 2010 yari yaratanzwe mo ruswa.

Mu nyandiko, Puma yamenyesheje ko umwumvikano wahagaritswe "uwo mwanya".

“Nyuma y'ibirego bya ruswa kuri Safa, n’imyifatire idakwiye mw’ishyirahamwe ry’umupira, Puma yahagaritse amasezerano uwo mwanya".

Bafana Bafana ntizajya mu irushanwa ry'igikombe cy’isi umwaka utaha muri Brezil.