Berahino yasinye amasezerano mashya

  • 4 Ukw’icumi na kabiri 2013
Image caption Umukinnyi wa West Brom Saido Berahino

Umukinnyi w'imbere wo muri West Brom, Saido Berahino, yasinye amasezerano mashya y'imyaka 3 n'igice.

Ayo masezerano azatuma uyu mukinnyi wahembwaga amapawundi 850 ku cyumweru azamuka akagera ku 20 000.

Uwo mukinnyi unakinira ikipe y'Ubwongereza y'abakinnyi bari munsi y'imyaka 21 yatsinze ibitego 12 uyu mwaka.

Ibiganiro kuri uyu mukinnyi w'imyaka 20 byari bimaze igihe.

Amakipe akomeye arimo Arsenal, Chelsea na Everton bakomeje gukurikirana ibyo biganiro byerekeranye n'amasezerano mashya.

Umutoza Steve Clarke yavuze ati: "Aya ni amakuru meza cyane kuri Saido, kuri ikipe, n'abafana."

Bwana Clarke yari yaravuze ko afite impungenge ko uyu mukinnyi yashoboraga kuva muri ikipe igihe amasezerano yarafitanye na West Brom yari kurangira mu mpera z'uyu mwaka.

Uyu mukinnyi yakinnye neza uyu mwaka, atsinda igitego igihe ikipe ye yahuraga na Manchester United ku rubuga rwabo rwa Old Trafford.