Michael Essien agiye muri AC Milan

Uwufise ububasha kw’isanamu AFP
Image caption Umukinnyi w'umupira w'amaguru, Michael Essien

Umukinnyi wo hagati wa Chelsea, Michael Essien, ari mu nzira zigana muri ekipe ya AC Milan.

Clarence Seedorf, uyoboye iyo ekipe iri ku mwanya wa 11 muri Serie A, yasohoye itangazo rigufi avuga: "Michael Essien ategerejwe Milan uyu mugoroba".

AC Milan ntiratangaza igihe uyu mukinnyi ufite imyaka 31 azamara muri iyo ekipe.

Uyu mukinnyi ukinira na ekipe y'igihugu cye, Ghana, yaje muri Chelsea mu 2005.

Amaze gukinira iyo ekipe y'i Londres imikino 9 uyu mwaka kuva yagaruka nyuma y'igihe gito yakiniraga Real Madrid.

Chelsea yaguze uyu mukinnyi miliyoni 24.4 z'amapundi, ava muri ekipe yo mu Bufaransa, Lyon.

Yafashije Chelsea mu itsinda rya Champions League, ibikombe 2 bya Premier League n'ibikombe 4 by'ishyirahamwe ry'umupira w'amaguru mu Bwongereza, FA.