Berahino aragirwa inama yo kuva West Brom

Uwufise ububasha kw’isanamu Getty
Image caption Saido Berahino ukinira West Brom

Umukinnyi w'imbere wahoze akinira ekipe ya West Brom, Peter Odemwingie, yasabye Saido Berahino kuva mu ekipe ya Baggies nyuma y'amakuru avuga ko habaye ubushyamirane n'undi mukinnyi mu cyumba bahinduriramo imyenda.

Odemwingie, ubu ukinira ekipe ya Stoke, yavuze ko ibyo byamwibukije ibibazo bwite yagize igihe yakiniraga iyo kipe ya West Brom.

West Brom yahanishije uyu mukinnyi, ukomoka muri Nigeriya, igihano cyo gutanga umushahara w'ibyumweru 2 kubera ko yaganiriye na ekipe ya Queens Park Rangers atabifitiye uruhushya mu kwezi kwa 1 muri 2013.

Odemwingie yanditse ku rubuga nkoranyambaga rwa Twitter avuga ati "Ibyambayeho bishobora kongera kuba, niba atavuye muri iyi kipe mu mezi ari mbere."

Odemwingie yavuye muri iyi kipe mu kwezi kwa 9 mu 2013, ajya muri Cardiff City.

Berahino, ufite imyaka 20, yahisemo kutageza ikirego mu rukiko arega mugenzi we, James Morrison, wamukubise ikofi mu cyumweru gishize ubwo bari mu cyumba bahinduriramo imyenda.

Uyu musore ukinira Ubwongereza mu rwego rw'abari munsi y'imyaka 21, yashakaga gutanga ikirego mu rukiko kubera icyo kibazo nyuma y'umukino na Cardiff City, aho amakipe yombi yanganyije, 3 - 3.