Imyigaragambyo mbere y'igikombe cy'isi

Uwufise ububasha kw’isanamu Reuters
Image caption Abigaragambya bamagana igiciro cy'umupira w'amaguru

Mu mujyi wa Sao Paolo muri Bresil habaye imyigaragambyo yamagana imikino y'igikombe cy'isi cy'umupira w'amaguru mu gihe hasigaye amasaha make ngo umukino wa mbere utangire.

Igipolisi cyo muri uwo mujyi cyakoresheje ibisasu biryana mu maso gitatanya abo bantu bigaragambyaga.

Umuntu byibura umwe yatawe muri yombi abandi 5 bakomeretse.

Umunyamakuru wa BBC uri i Sao Paolo aravuga ko igipolisi cyarashe amasasu ya caoutchouch hejuru y'imitwe y'abari mu myigaragambyo.

Abo nabo batangaje ko bari bafite gahunda yo kwegera cyane sitade ya Corinthians Arena aho imihango yo gufungura ku mugararo iyo mikino iza kubera mbere yuko ikipe y'igihugu cya Brezil ikina y'ikipe ya Croatia.

Mu y'indi mijyi yo muri Bresil kandi hateganijwe indi myigaragarambyo yamagana amafaranga yakoreshejwe mu gutegura iyo mikino.