Suarez yongeye kurumana

Uwufise ububasha kw’isanamu Reuters
Image caption Luis Suarez n'umukinnyi w'Ubutaliyani Giorgio Chiellini, uvuga ko Suarez yamurumye

Ikigo gitera inkunga Luiz Suarez kiravuga ko kigiye kwiga imibanire n'uyu mukinnyi w'icyamamare, nyuma y'aho byagaragaye nk'uko yarumye undi.

Ibi byabaye mu mukino w'ejo mu irushanwa ry'umupira w'amaguru w’igikombe cy’isi, aho Uruguay yatsinze Ubutaliyani 1 - 0.

Iki kigo gikinisha urusimbi, 888poker, cyavuze ko kitazihanganira imyitwarire itajyanye n'imikino.

Hagati aho ishyirahamwe ry'umupira w'amaguru ku isi, FIFA, ryatangiye gukora iperereza ku myifatire ya Suarez, bishobora gutuma ahabwa ibihano byo guhagarikwa gukina igihe kirekire.

Uyu mukinnyi avuga ko yahiritswe, kandi ko ibintu nk'ibi bisanzwe biba mu kibuga cy'umupira.