Abakinnyi 2 ba Ghana birukanywe

Image caption Boateng na Muntari boherejwe iwabo

Abakinnyi bo hagati ba Ghana, Kevin-Prince Boateng na Sulley Muntari, bahagaritswe gukina, amasaha make mbere y'umukino ukomeye mu irushunwa ry'igikombe cy'isi.

Ishyirahamwe ry'umupira w'amaguru muri Ghana ryavuze ko abo bakinnyi 2 b'ibyamamare birukanywe mu gihe kiratamenyekana nyuma yo gushwana n'umutoza n'abandi bayobozi bakuru bo muri iryo shyirahamwe.

Muntari araregwa gukubita abayobozi 2 nta mpamvu, naho Boateng aregwa gutuka umutoza w'ikipe y'igihugu.

Ubu abo bakinnyi bombi basubijwe iwabo.

Aya makuru aje umunsi 1 nyuma y'aho leta yohereje indege irimo amafaranga arenga miliyoni 3 z'amadolari yo kwishyura abakinnyi baserukiye igihugu muri iri rushanwa ry'igikombe cy'isi.