Scolari ngo yizeye gutwara igikombe

Umutoza w'ikipe ya Bresil ngo yizeye ko igikombe cy'uyu mwaka ari icyayo. Uwufise ububasha kw’isanamu AFP
Image caption Umutoza w'ikipe ya Bresil ngo yizeye ko igikombe cy'uyu mwaka ari icyayo.

Umutoza w'ikipe y'umupira w'amaguru ya Brazil, Luiz Felipe Scolari, aravuga ko ikipe ye ishigaje gutera intambwe eshatu gusa kugira ngo ikoze intoki ku gikombe cy'isi maze yamagana abanenga uburyo akoresha.

Scolari arashimangira ko ikipe ya Bresil - yanegukanye igikombe cy'isi cy'umupira w'amaguru cyo mu mwaka wa 2002 - iri hafi kwegukana igikombe cy'uyu mwaka ikinira iwayo.

Bresil - yatwaye icyo gikombe inshuro 5 zose - yatsinze imikino ibiri kuri itatu mu mikino y'amatsinda; itsinda Croatia na Cameroon ariko inganya na Mexique.

Yageze muri kimwe cya kane cy'irushanwa itsinze Chile kuri penaliti.

Mu gihe iyi kipe yitegura guhura muri kimwe cya kane n'ikipe ya Colombia, Scolari akomeje kunengwa n'abahoze bari mu ikipe y'igihugu barimo n'uwari kapiteni wayo muri 1970 Carlso Alberto.

Ntabwo bishimiye ukuntu yitabaje Regina Brandao, impuguke mu mitekerereze y'abakinnyi mu kibuga (sports psychologist).

Brandao akorana kenshi na Scolari kugirango afashe abakinnyi guhangana n'igitutu cyo mu kibuga.