Drogba mu nzira zo gusubira muri Chelsea

Uwufise ububasha kw’isanamu Reuters
Image caption Didier Drogba n'igikombe cya Champions League mbere yo kuva muri Chelsea mu 2012

Rutayizamu Didier Drogba ari gutekereza gusubira muri Chelsea mu masezerano y'umwaka 1.

Uyu mukinnyi ukinira n'ikipe y'igihugu ya Cote d'Ivoire, ubu udafite ikipe akinira nyuma yo kuva muri Galatasaray, yavuye Stamford Bridge mu 2012 nyuma yo gutsinda igitego cya penaliti cyatumye Chelsea itsinda Bayern Munich mu irushanwa rya Champions League.

Abamuhagarariye baravuga ko nta cyemezo Drogba yari yafata, kandi ko Chelsea iri mu makipe ashobora kujyamo.

Ariko hari gukorwa ibiganiro, n'aho uyu mukinnyi w'imyaka 36 ateganijwe gufata icyemezo cyo kuba yagaruka muri Chelsea muri iki cyumweru.

Drogba, wagiye muri Chelsea avuye Marseille ku kiguzi cya miliyoni 24 z'amapound mu 2004, yatsindiye ibikombe 3 bya Premier League, ibikombe 4 mw'irushanwa ry'ishyirahamwe ry'umupira w'amaguru mu Bwongereza, n'igikombe kimwe cya Champions League.