Ikipe ya Tottenham yemereye Adebayor gutaha

Adebayor yari amaze igihe afite ibibazo by'imvune Uwufise ububasha kw’isanamu Reuters
Image caption Adebayor yari amaze igihe afite ibibazo by'imvune

Ikipe ya Tottenham yahaye uruhushya umukinnyi wayo w'imbere Emmanuel Adebayor kuba atashye iwabo muri Togo kubera impamvu ze bwite.

Ibi rero bishatse kuvuga ko uyu mukinnyi w'imyaka 30 atazakina umukino wo kuwa kane uzahuza Tottenham Hotspur na Besiktas mu irushanwa ry'igikombe cya Europa.

Ikipe ya Tottenham nta byinshi yigeze ivuga kuri uru ruhushya.

Uyu mukinnyi wigeze gukinira ikipe ya Arsenal yinjiye mu kibuga inshuro 12 kuva iyi shampiyona yatangira kandi amaze kwinjiza ibitego bibiri gusa.

Adebayor ntiyaherukaga gukinira ikipe ye kuba aho akubukiye mu mikino y'irushanwa ry'igikombe cya Afurika mu kwezi gushize aho ikipe y'igihugu akomokamo cya Togo itabashije kubona itike yo gukina imikino ya nyuma.

Ibibazo by'imvune byatindije ukugaruka kwe mu ikipe.