Saido Berahino yisobanuye

Berahino amaze gutsinda ibitego 13 kuva shampiyona yatangira Uwufise ububasha kw’isanamu Getty
Image caption Berahino amaze gutsinda ibitego 13 kuva shampiyona yatangira.

Saido Berahino yasobanuye impamvu atigeze yerekana ko yishimye igihe yatsindaga ibitego bine ku wa gatandatu.

Yavuze ko yitwaye nkuko umukinnyi w'umunyamwuga agomba kwitwara atsinda ibyo bitego muri uwo mukino ikipe ye ya West Brom yakinnye n'ikipe ya Gateshead mu irushanwa ry'igikombe cy'irushanwa ry'ishyirahamwe ry'umupira w'amaguru mu Bwongereza rya FA Cup.

Birahwirahwiswa ko Berahino - wavukiye mu Burundi - ashobora kuva muri iyo kipe muri kuno kwezi.

Mu ntangiriro z'icyumweru gishize, ikipe ya West Brom yahakanye yivuye inyuma amakuru yavugaga ko uyu mukinnyi asa n'uwarimo kwerekeza mu ikipe ya Liverpool ngo yari yiteguye kumutangaho miliyoni 23 z'amafaranga y'amapawundi akoreshwa mu Bwongereza.

Ibyo bitego byatumye uyu mukinnyi w'imyaka 21 yuzuza ibitego 13 amaze gutsindira ikipe ye kuva iyi shampiyona yatangira.

Nyuma y'uwo mukino West Brom yatsinze Gateshead ibitego 7-0, umutoza Tony Pulis wa West Brom yavuze ko Saido ari umusore ufite impano, ufite ubushobozi bwinshi kandi unatsinda ibitego.

Yongeyeho ko ashaka gukomeza gukorana nawe.