Yaya Toure niwe mukinnyi w'umunyafurika witwaye neza

Iyi ni inshuro ya kane Yaya Toure yegukana uwo mwanya. Uwufise ububasha kw’isanamu EPA
Image caption Iyi ni inshuro ya kane Yaya Toure yegukana uwo mwanya.

Ku nshuro enye zikurikiranye, ishyirahamwe ry'umupira w'amaguru muri Afurika - CAF - ryatoye umukinnyi wo hagati wa Manchester City - Yaya Toure - kuba ariwe mukinnyi warushije abandi bakomoka muri Afurika mu mwaka ushije.

Toure w'imyaka 31 yatorewe uwo mwanya kubera uruhare rukomeye yagize mu ikipe ye ya Manchester City kugirango itsindire igikombe cya shampiyona y'Ubwongereza.

Yafashije kandi igihugu cye cya Cote d'ivoire kubona itike yo kujya mu mikino ya nyuma y'igikombe cya Afurika cy'ibihugu kizatangira ku itariki ya 17 za kuno kwezi muri Guinee Equatoriale.

Abandi bahataniraga nawe uwo mwanya, ni umunya Gabon Pierre-Emerick Aubameyang n'umunyezamu wa Nigeria Vincent Enyeam.

Undi mukinnyi wagiye kuri uwo mwanya inshuro enye ni Samuel Eto'o ukina muri Everton ariko ntabwo yabigezeho inshuro enye zikurikiranye.