Maroc yajuririye ibihano bya CAF

Igikombe cy'uyu mwaka cyatwawe na Cote d'ivoire Uwufise ububasha kw’isanamu Getty
Image caption Igikombe cy'uyu mwaka cyatwawe na Cote d'ivoire.

Iki ni kimwe mu bihano ishyirahamwe ry'umupira w'amaguru muri Afurika - CAF - ryahanishije igihugu cya Maroc kubera kutakira nkuko byari biteganijwe imikino ya nyuma y'igikombe cya Afurika cy'ibihugu cy'uyu mwaka.

Ishyirahamwe ry'umupira w'amaguru muri Maroc naryo ryahanishijwe kwishyura CAF ihazabu ya miliyoni imwe y'amadolari y'abanyamerika no kuyishyura impozamarira ingana na miliyoni 8 z'amayero (euros).

Igihugu cya Maroc cyari cyashatse ko itariki iyi mikino yagombaga kuberaho yimurirwa inyuma kubera gutinya ko abafana binjiza mu gihugu indwara ya Ebola.

Ibyo ariko CAF yabiteye utwatsi ahubwo yimurira iyo mikino mu gihugu cya Guinee Equatoriale hasigaye gusa amezi abiri ngo imikino itangire.

Igikombe cya Afurika cy'ibihugu cy'uyu mwaka cyatwawe na Cote d'ivoire imaze gutsinda Ghana kuri penaliti 9-8.

Umuvugizi w'ishyirahamwe ry'umupira w'amaguru muri Maroc yavuze ko nta kibazo bafitanye na CAF.

Bajuriye mu rukiko ruca imanza zerekeranye n'imikino (Court of Arbitration for Sports - CAS) ngo kubera ko amategeko abibemerera.