Man Utd irifuza Ramos na Schweinsteiger

Ramos akinira Real Madrid naho Schweinsteiger akinira Bayern Munich. Uwufise ububasha kw’isanamu Getty
Image caption Ramos akinira Real Madrid naho Schweinsteiger akinira Bayern Munich.

Manchester United irifuza kugura umukinnyi wo hagati w'ikipe ya Bayern Munich, Bastian Schweinsteiger, na myugariro wa Real Madrid, Sergio Ramos.

Umutoza wa Man Utd, Louis van Gaal, arimo arashaka ukuntu yaha ingufu ikipe ye nyuma yaho irangirije shampiyona iri ku mwanya wa kane.

Umudage Schweinsteiger, w'imyaka 30, na Ramos ukomoka muri Espagne akaba afite imyaka 29 bari mu bakinnyi yifuza.

Amasezerano ya Ramos n'ikipe ya Real Madrid azarangira muri 2017 naho ayo Schweinsteiger afitanye na Bayern azarangira muri 2016.

Ramos yakinnye inshuro 445 muri Real kuva yayijyamo avuye muri Sevilla muri 2005.

Yakiniye ikipe y'igihugu cye inshuro 128 kandi yari mu bakinnyi babanza mu kibuga igihe Espagne yatsindiraga igikombe cy'Uburayi muri 2008, muri 2012 n'igikombe cy'isi muri 2010.

Schweinsteiger nawe yari mu ikipe y'Ubudage yatwaye igikombe cy'isi cy'umwaka ushize muri Bresil igihe Ubudage bwatsindaga Argentine.