Raheem Sterling: Ikiguzi cye cyemewe

Uwufise ububasha kw’isanamu Reuters
Image caption Umukinnyi wa Liverpool Raheem Sterling (ibumoso) agiye kwerekeza muri Man City.

Liverpool yageze ku masezerano na Manchester City ya miliyoni zirenga 49 z’amapawundi (£49m) ku mukinnyi Raheem Sterling.

Igurishwa ry’uyu mukinnyi w’Umwongereza rizagomba ibiganiro by’amasezerano y’akazi n’ibizami by’ubuzima bwe. Sterling yari yasabye kuva Anfield kandi yageretswe inshuro ebyiri na City mu kwezi kwa gatandatu, amafaranga yaranzwe icyo gihe.

Umukinnyi w’imyaka 20 y’amavuko afite amasezerano kugera mu mwaka wa 2017, ariko yanze umushahara mushya w’ibihumbi ijana by’amapawundi (£100,000) ku cyumweru muri Liverpool.

Ku wa gatandatu, Sterling yari yashyizwe ku rutonde rw’abakinnyi 30 bazajya mu rugendo rw’imyitozo ibanziriza shampiyona muri Tayilande, Ositaraliya na Maleziya.

Ariko aza gukurwa ku rutonde. Abakinnyi benshi bahoze bakinira Liverpool bamunenze kuva igihe yabwiraga umutoza Brendan Rodgers n’umuyobozi mukuru wa Liverpool Ian Ayre, ko ashaka kuva mu ikipe muri iri cyi.

Abakinnyi b’Abongereza bahenze kurusha abandi

£85.3m - Gareth Bale (ava muri Tottenham ajya muri Real Madrid, 2013)

£49m* - Raheem Sterling (ava muri Liverpool ajya muri Manchester City, 2015) *bizaterwa n’uko amazerano yuzuzwa.

£35m - Andy Carroll (ava muri Newcastle ajya muri Liverpool, 2011)

£30m - Rio Ferdinand (ava muri Leeds ajya muri Manchester United, 2002)

£27m - Luke Shaw (ava muri Southampton ajya muri Manchester United, 2015)

£27m - Wayne Rooney (ava muri Everton ajya muri Manchester United, 2004)

£26m - James Milner (ava muri Aston Villa ajya muri Manchester City, 2010)