Thibaut Courtois: Chelsea yajuririye icyemezo cy’ikarita itukura

Uwufise ububasha kw’isanamu Reuters
Image caption Thibaut Courtois yahawe ikarita itukura ku wa Gatandatu akoreye ikosa umukinnyi wa Swansea

Ikipe ya Chelsea izajuririra icyemezo cy’ikarita yahawe umunyezamu Thibaut Courtois mu mukino wahuje ikipe ye na Swansea ku wa Gatandatu.Umukino warangiye ari 2-2 ku kibuga cya Stamford Bridge.

Uyu munyezamu w’imyaka 23 y’amavuko yirukaywe mu kibuga nyuma y’iminota 52 akoreye ikosa Bafetimbi Gomis ku mahirwe yari afite agaragara yo gutsinda.

Rutahizamu wa Swansea yahise atsinda penaliti yanatumye ikipe ye inganya.

Nyuma y’umukino, umutoza wa Chelsea Jose Mourinho yanze kugira icyo avuga ku cyemezo cy’umusifuzi.

Ubujurire bwa Chelsea buzumvwa n’ishyirahamwe ry’umupirwa w’amaguru FA ku wa kabiri.

Nitsindwa, Courtois azasiba umukino uzahuza Chelsea na Manchester City ku cyumweru.

Asmir Begovic, waguzwe avuye muri Stoke, yakinnye umukino we wa mbere asimbuye Courtois.