IAAF: Abakoresheje imiti itemewe barahagaritswe

Uwufise ububasha kw’isanamu Getty
Image caption IAAF ivuga ko yahagaritse abakinnyi ngororangingo 28 bakoresheje imiti itemewe n'amategeko

Ishyirahamwe rya siporo ngororangingo ku si IAAF, rivuga ko abakinnyi 28 bagaragaye ko bakoresheje imiti itemewe n'amategeko mu irushanwa ry'isi rya World Atheltic Championship kuva mu mwaka wa 2005 na 2007, nyuma yo gusubira mu bipimo by'inkari zabo.

IAAF ivuga ko idashobora kugira uwo ivuga amazina kubera ko ibi bikiri mu rwego rw'amategeko. Cyakora, benshi muri bo bavugwa ko basezeye mu mukino, abandi bamwe bamaze guhanwa. Kandi bacye cyane ni bo bagikina.

Abo bagikina, bahagaritswe by'agateganyo, kandi ntibazitabira irushanwa rya World Championships rizabera i Beijing.

Kuba ubudakemwa bw'uyu mukino ngororamubiri buri gusuzumwa cyane ku buryo butigeze bubaho, IAAF inatsindagira ko iyi nzira yahozeho mu gihe kirekire.

Kandi ko yatangiye na mbere y'ibirego by'ikigero cy'abakekwaho gukoresha imiti itemewe n'amategeko, byatangajwe n'umunyamakuru w'Umudage ndetse n'ikinyamakuru The Sunday Times mu ntangiro z'uku kwezi kwa munani.