Barcelona yandagajwe 4-0 na Atletico Bilbao

Uwufise ububasha kw’isanamu AP
Image caption Barcelona yatsinzwe yandagajwe na Bilbao 4-0

Atletico Bilbao yandagaje Barcelona mu mukino wa mbere w’igikombe cya Super Cup muri Esipanye, umukinnyi Aritz Aduriz yatsinze bitatu mu mukino utari usanzwe.

Mikel San jose yafunguye amazamu nyuma y’iminota 13 gusa, ku ishoti nziza yatereye mu ruziga rw’amahina, nyuma y’ikosa ry’umunyezamu wa Barcelona Marc-Andre Ter Stegen.

Abakinnyi b’inyuma ba Barcelona badafite uburambe cyane binjizwa ibindi bitego bitatu mu minota 45 y’igice cya kabiri.

Byatumye basigarana akazi katoroshye ko gukuramo ibi bitego mu mukino wo kwishyura uzaba ku wa Mbere kuri sitade ya Barcelona Nou Camp.

Ni inshuro ya kabiri mu mikino ibiri Barcelona itsinzwe ibitego bine, nyuma y’itsinzi yayo ya 5-4 yatisinze Sevilla mu gikombe cya UEFA Super Cup.

Uku kwandagazwa biratera impungenge umutoza Luis Enrique, mu gihe ikipe ye iri kugerageza guhagarara ku bikombe byayo bitatu yatwaye umwaka ushize.

Mu mukino wo gufungura shampiyona La Liga, Barcelona izakina na Atletico Bilbaco kuri sitade San Mames.