Ronaldo: 'Ndi igihangange mu mupira'

Uwufise ububasha kw’isanamu Getty

Christiano Ronaldo aravuga ko ariwe mukinnyi w'igihangange mu mupira w'amaguru ku isi muri kino gihe kandi ko yagereranwa n'abandi bakomeje gufatwa nk'ibihanganye mu mateka y'umupira w'amaguru.

Mu kiganiro yagiranye na BBC, uyu mukinnyi w'imbere w'ikipe ya Real Madrid avuga ko ageze ku rugero bitamworohera kugira icyo arenza ku bushobozi bwe.

Christiano Ronaldo - w'imyaka 30 - yabaye umukinnyi warushije abandi w'umwaka ku isi inshuro eshatu zose kandi nta wundi mukinnyi wakiniye Real Madrid umurusha kuba yarayitsindiye ibitego byinshi.

Yaravuze ati: 'Ndi mu mateka y'umupira w'amaguru, ndi igihangange. Imibare yerekana ibyo nakoze irabisobanura'. Ronaldo - wageze muri Real avuye muri Manchester United muri 2009 aguzwe miliyoni £80 - avuga ko ashaka gukomeza gukina iyindi myaka itanu cyangwa itandatu iri imbere.

Kuva yaba umukinnyi w'umunyamwuga amaze gutsinda ibitego 504 mu mikino 760.