Pep Guardiola azava muri Bayern Munich

Uwufise ububasha kw’isanamu Getty

Pep Guardiola ategerejwe kuva muri Bayern Munich nyuma ya shampiyona agasimburwa na Carlo Ancelotti. Guardiola w’imyaka 44, amaze igihe atekerezwa koashobora kuzerekeza muri Manchester City, Manchester United, Chelsea cyangwa Arsenal.

Uyu mutozawahoze atoza Barcelona yatwaye ibikombe bibiri bya shampiyona ndetse n’igikombe cy’Ubudage kuva yajya muri Bayern muri 2013.

Ancelotti w’imyaka 56, wahoze atoza Chelsea amaze igihe mu kiruhuko cy’ubutoza kuva yakwirukanwa muri Real Madrid mu kwezi kwa Gatanu 2015.

Uwufise ububasha kw’isanamu AFP
Image caption Pep Guardiola ni umutoza wageze kuri byinshi

‘Dufite undi mutoza wageze kuri byinshi’

Bayerm Munich iyoboye iri ku isonga n’umwitangirizwa w’amanota umunani ku rutonde rwa shampiyona ya Bundesliga kandi izakina na Juventus yo mu Butaliyani muri 1/8 cy’irushanwa ry’amakipe yatwaye ibikombe ku mugabane w’Uburayi (Champions League).

Uwufise ububasha kw’isanamu Getty

Umuyobozi wa Bayern Karl-Heinz Rummenigge yabwiye ikinyamakuru cyo mu Budage Bild ati:

”Turashimira Guardiola ku byo yagejeje ku ikipe kandi twizeye kwishimira izindi ntsinzi muri iyi shampiyona.”

“Muri Ancelotti, dufite undi mutoza wageze kuri byinshi uje muri Bayern. Twiteguye gukorana nawe.”

Uwufise ububasha kw’isanamu Reuters

Ancelotti yatwaye Champions League inshuro eshatu, ebyiri atoza AC Milan n’inshuro imwe atoza Real Madrid.

Yanatoje Chelsea itwara igikombe cya shampiyona y’Ubwongereza na FA Cup muri 2010.

Mu bihe bishize yatangaje ubushake bwe bwo kugaruka muri shampiyona y’Ubwongereza ariko afata icyemezo cyo kujya muri Bayern.

Uwufise ububasha kw’isanamu Getty

‘Guardiola azerekeza he?’

Hitezwe kuvugwa byinshi ku bijyanye n’aho Guardiola azerekeza nyuma yo kuva muri Bayern.

Amakipe atatu yo mu Bwongereza ayoboye urutonde rww’ahatekerezwa.

Chelsea yirukanye Jose Mourinho ku wa Kane iha akazi Guus Hiddink mu gihe cy’agateganyo kugeza shampiyona irangiye.

Mu gihe Guardiola amaze igihe avugwa ko azasimbura Manuel Pellegrini muri Manchester City mu mwaka utaha.

Uwufise ububasha kw’isanamu AP

Umutoza wa Manchester United, Louis Van Gaal nawe ari ku gitutu giterwa n’ibihe bibi ikipe irimo.

Byanatumye isezererwa muri Champions League mu cyiciro cy’amajonjora inatsinwa na Norwich ku wa Gatandatu.

‘Guardiola afite ubuhe buhanga?’

Uyu munya Esipanye yagizwe umutoza wa Barcelona muri 2008 ahinduka umutoza wageze kuri byinshi mu mateka y’iyi kipe, ayihesha ibikombe 13 mu gihe cy’imyaka ine yamaze ayitoza.

Uwufise ububasha kw’isanamu Reuters

Mu gihe yamaze i Nou Camp, yatwaye ibikombe bitatu bya shampiyona, ibikombe bibiri bya Champions League na Copa Del Rey.

Yabanje gufata umwaka w’ikiruhuko mbere yo kujya muri Bayern Munich, yatwaye Champions League, Bundesliga, n’igikombe cy’Ubudage ku bwa Jupp Heynckes.

Uwufise ububasha kw’isanamu Reuters

Usibye ibikombe bya shampiyona n’iby’igihugu, Bayern yanageze muri kimwe cya kabiri cya Champions League mu myaka ibiri ya Guardiola, Real iyikuramo muri 2013-2014 naho Barcelona iyisezerera mu mwaka wakurikiyeho.

Uwufise ububasha kw’isanamu Reuters