Arsenal yatsinze Leicester 2-1

Uwufise ububasha kw’isanamu Reuters
Image caption Danny Welbeck yatsinze igitego mu masegonda ya nyuma y'umukino

Igitego cya Danny Welbeck cyatumye isiganwa rya shampiyona y’Ubwongereza ryaguka kurushaho.

Welbeck yatsinze igitego mu masegonda ya nyuma y’umukino cyatumye Arsenal itsinda Leicester City 2-1.

Leicester izwi ku izina ry’irihimbano The Foxes, mu Kinyarwanda bishatse kuvuga “Amafuku”, yasaga n’iri bunganye mu gihe umukino wageraga mu minota y’inyongera, kabone n’ubwo yari ifite abakinnyi icumi gusa, nyuma y’uko Danny Simpson aherewe ikarita itukura mu gice cya kabiri.

Uwufise ububasha kw’isanamu Reuters

Ibi byahindutse igihe Welbeck, wakinaga umukino we wa mbere kuva mu kwezi kwa Kane 2015, yabonezaga neza umupira yari ahawe na Mesut Ozil akawurenza umunyezamu w’umuhanga cyane, Kasper Schmeichel. Byateye ibyishimo bikomeye cyane kuri sitade ya Arsenal, The Emirates.

Ni ku nshuro ya gatatu Leicester itsindwa muri iyi shampiyona.

Uwufise ububasha kw’isanamu AP
Image caption Jarmie Vardy yari yabanje gutsinda igitego cya Leicester

Jarmie Vardy yatsindiye Leicester igitego cya mbere cyaturutse kuri penaliti yateye impaka zikomeye mu mpera z’igice cya mbere, igihe yatsikiraga ku kaguru ka Nacho Monreal kari kasigaye inyuma.

Theo Walcott wagiye mu kibuga asimbuye yatumye iminota 20 ya nyuma y’umukino ishyuha cyane nyuma y’uko atsindiye igitego cyo kwishyura ku mupira yahawe na Olivier Giroud.

Uwufise ububasha kw’isanamu Reuters
Image caption Igitego cyo kwishyura cyatsinzwe na Theo Walcott cyahaye imbaraga Arsenal

Leicester iracyayoboye urutonde rwa shampiyona, ariko itsinzi ya Arsenal itumye ikinyuranyo cy’amanota kigabanuka gisigara kuri abiri gusa.