Kanin Bello ya kai wasan daf da karshe a damben mota

Ya buge Dan Ali daga Kudu a turmin farko
Image caption Ali Kanin Bello dan damben Arewa

Ali Kanin Bello ya kai wasan daf da karshe a gasar damben mota da ake yi a filin wasa na Ado Bayero Square da ke jihar Kano.

Kanin Bellon dan damben Arewa ya kai zagayen gaba ne, bayan da ya buge Dan Ali daga Kudu a turmin farko a ranar Alhamis.

Shima Shagon Audu Tunga Guramada ya kai wasan daf da karshe bayan da ya doke Shagon Dan Digiri daga Kudu a turmi na uku.

Za a ci gaba da wasannin daf da na kusa da na karshe tsakanin Sojan Jango Guramada da Kada daga Kudu, sannan a kece raini tsakanin Bahagon Sanin Kurna da Shagon Sama'ila a ranar Juma'a.