Legia za ta kara da Madrid ba ‘yan kallo

Magoya bayan Legia Warsaw sun tada rikici a baya Hakkin mallakar hoto Getty Images
Image caption An hana 'yan kallo shiga wasan sabo da gudun hatsaniya

Kungiyar Legia Warsaw za ta karbi bakuncin Real Madrid a gasar cin kofin zakarun Turai ba tare da magoya bayanta ba.

Hakan ya biyo bayan hukuncin da hukumar kwallon kafa ta Turai ta yanke, bayan da magoya bayan kungiyar suka tayar da hatsaniya.

Mogoya bayan Legia sun tayar da rikici a karawar da Borussia Dortmund ta casa kungiyarsu 6-0 a wasan farko na cikin rukuni da suka yi a gasar.

Haka kuma hukumar ta ci tarar Legia kudi fam 69,000.

Warsaw za ta karbi bakuncin Madrid a wasa na uku a cikin rukuni a ranar 2 ga watan Nuwamba.