Gambia: Yahya Jammeh zai amince da shan kaye

Yahaya Jammeh Hakkin mallakar hoto AFP
Image caption Yahya Jammeh ya zama shugaban kasa ne bayan wani juyin mulki a shekarar 1994

Shugaban hukumar zaben Gambia ya ce shugaban kasar Yahya Jammeh zai amince da shan kaye a zaben shugaban kasar da aka yi ranar Alhamis.

Mista Jammeh, wanda ya shafe shekara 22 a kan karagar mulki, yana kara ne da wani dan kasuwa Adama Barrow.

Shugaban hukumar zaben Alieu Momar Njie ya ce wannan ba karamin abin al'ajabi ba ne a ce shugaban na Gambia zai amince da shan kaye tun kafin a bayyana sakamakon zaben.

Hakkin mallakar hoto Reuters
Image caption Barrow na da farin-jini a wajen matasa

Har yanzu Mista Jammeh, wanda ke mataki na biyu a kuri'un da aka bayyana, bai ce komai ba game da wannan batu ba.

Sai dai ministan harkokin kasashen waje da kuma babban sifeton 'yan sandan kasar sun yi kira da a kwantar da hankali.

Shi dai Jammeh ya zama shugaban kasa ne bayan wani juyin mulki a shekarar 1994.

Labarai masu alaka