Zan tsaya takarar shugabancin Korea ta Kudu

Ya ce yana son tallafawa kasarsa Hakkin mallakar hoto AFP
Image caption A karshe watan Disamba Ban-Ki Moon zai sauka dag kujerar MDD

Sakatare Janar na Majalisar Dinkin Duniya, Ban Ki-moon, ya ce zai tsaya takarar shugabancin Korea ta Kudu, da zarar wa'adinsa na MDD ya cika a karshen wannan watan.

A wani taron manema labarai na karshe da ya yi a matsayin shugaban MDD, mista Ban ya ce zai koma kasar tasa domin tallafa mata ta hanyar da ta dace.

A watan Disambar 2017 ne ake sa ran gudanar da babban zaben Korea ta Kudun.

Sai dai kuma za a iya gudanar da zabe nan da kwanaki sittin.

Ana jiran kotun tsarin mulkin kasar ta yanke hukuncin tsige shugaba Park Geun-Hye wadda aka samu da hannu a badakalar rashawa da cin hanci.