2017: Mura ta hana Sarauniya Elizabeth halartar addu'o'i

Queen Elizabeth
Image caption Shekarun Sarauniya Elizabeth 90

Fadar Buckingham ta sarauniyar Ingila, ta ce mura, ta sa Sarauniya Elizabeth, ba ta iya halartar addu'o'i da aka sabayi ba a duk lokacin da sabuwar shekara ta kama, a cocin dake rukunin gidajenta a Sandringham.

A cikin wata sanarwa, fadar ta ce shawarar da aka yanke ta rashin halartar Sarauniyar addu'o'in, wani mataki ne na taka-tsan-tsan.

Kafin Kirsimeti, Sarauniya Elizabeth, mai shekaru casa'in, ta yi fama da rashin koshin lafiya, kuma tun daga nan, ba a gan ta a bainar jama'a ba fiye da tsawon mako guda.

Sai dai fadar ta ce sarauniyar ta samu sauki a 'yan kwanakin nan.