Nigeria: An kafa dokar hana fita a Kafanchan

Na'urarku na da matsalar sauraren sauti
Nigeria: An kafa dokar hana fita a Kafancan

Gwamnatin jihar Kaduna ta kafa dokar hana fita ta sa'o'i 24 a karamar hukumar Kafanchan da ke kudancin jihar, sakamakon wani kazamin rikici da ya kaure a yankin.

Rikicin ya taso ne biyo bayan wata zanga-zangar da ta rikide har ta kai ga jikkata da asarar dukiyoyi.

Rahotanni sun ce matasan yankin wadanda yawanci mabiya addinin Kirista ne suka fito zanga-zanga domin nuna damuwa game da hare-haren da suka ce ana kaddamarwa a yankin.

Al'umar yankin dai sun sha dora alhakin hare-haren a kan Fulani makiyaya Musulmi, abin da Fulanin suka sha musantawa.

Yayin da hukumomi suka ce suna gudanar da bincike kan rikicin wanda yake nema ya gagari kundila.

Ku saurari karin bayani a rahoton wakilinmu Nura Muhammad Ringim:

Labarai masu alaka