An nada Ahmed Musa sarautar jagaban matasan Arewa

Musa Hakkin mallakar hoto Facebook

A ranar Alhamis ne wata kungiyar dalibai ta arewacin Najeriya ta nada dan wasan kulob din Leicester City, Ahmed Musa, sarautar jagaban matasan arewa a Kano.

Abokan arziki na ci gaba da taya dan kwallon Nigeria Ahmed Musa, murna bayan da aka nada shi sarautar Jagaban Matasan Arewa a birnin Kano da ke areacin kasar.

A ranar Alhamis ne wata kungiyar dalibai ta arewacin Najeriya ta bai wa dan wasan, wanda ke taka leda a kulob din Leicester City, wannan sarauta.

Matasa da dama ne da abokan arzikin Ahmed suka halarci bikin.

Kuma suna ta taya shi murna kan sarautar a shafukan sada zumunta.

Har ila yau, dan wasan, wanda a baya ya murza-leda a kulob din Kano Pillars, ya bude wani wurin wasanni ciki har da wasan kwallon kafar 'yar tile.

Labarai masu alaka