An hukunta marubuci saboda kamanta Sarkin Saudiyya da Allah

Saudi Arabia"s King Salman bin Abdulaziz Al Saud at a summit of Gulf Cooperation Council leaders in Riyadh, Saudi Arabia May 21, 2017. Hakkin mallakar hoto Reuters
Image caption An ce Sarki Salman ya yi "mamakin" rubutun

An dakatar da wani marubuci a kasar Saudiyya bayan da ya wuce gona da iri wajen kambama Sarkin kasar Salman.

Marubucin, Ramadan al-Anzi ya yabawa sarkin a cikin jaridar al-Jazirah ta hanyar amfani da sunayen da na Allah ne.

Duk da yake yawanta yabo abu ne da a ka saba da shi - ba a son hada wani sarki da Ubangiji.

Saboda haka Sarki Salman, wanda ya "kadu matuka," ya aika da umarnin cewa a dakatar da Mista Anzi, in ji rahotanni daga kafafen watsa labarai.

Jaridar ta riga ta wallafa sakon ban hakuri a ranar Jumma'a, inda Mista Anzi ya yaba wa Sarkin da sunaye kamar "Haleem" da "Shadeed al-Eqab", wadanda sunaye ne na Allah.

Wasu kafafen watsa labarai a Saudiyya sun yi kira da a dauki karin matakai domin hukunta jaridar.

Labarai masu alaka

Karin bayani