An yi wa Shugaba Buhari addu'o'i a Guinea

Buhari Hakkin mallakar hoto Getty Images
Image caption A watan Maris ne shugaban ya fara jinya a Birtaniya

Al'ummar Musulmin kasar Guinea Conakry sun yi wa Shugaban Najeriya Muhammadu Buhari addu'o'in fatan samun sauki a masallatan Juma'an kasar.

A ranar Laraba ne Shugaban kasar Guinea Alpha Conde ya ba da umurnin gudanar da addu'o'in, a lokacin taron majalisar ministoci.

Shugaba Alpha Conde shi ne shugaban Tarayyar Afirka.

Hakazalika, kungiyar Musulmin Najeriya a Birtaniya ta gudanar da addu'o'in rokon samun lafiyar Shugaba Buhari wanda yake jinya a Landan fiye da wata biyu a ke nan.

A watan Maris da ya gabata ne aka tsara shugaba Buharin, zai kai ziyara Guinea, amma sai aka dage tafiyar tasa.

Na'urarku na da matsalar sauraren sauti
Ku kalli bidiyon gidan da Buhari yake jinya a London

Labarai masu alaka